SEJARAH DESA PASAWAHAN

BABAD PASAWAHAN

            Dina abad 15 , Pandita Pundamaya tatapa di panjakroma (Batu Pangarangan) . Tujuan Anjeunna tatapa didinya pikeun nguji ajian jaya sampurna . Tebihna tempat tatapa jeung desa kasabeulahan kidul kurang leuwih 5 Km .

            Saentos Anjeunna tatapa , Pandita Pundamaya ngahampangan diluhur batu . Cai kiihna te sangaja ka inum ku Maung jeung Manjangan .Kusabab eta maung jeung manjangan tului reuneuh . Hubungan kulawarga antara Maung jeung Manjangan pohara dekeut .

            Hiji mangsa , Maung jeung Manjangan ngababarkeun manusa lalaki anu kasep di Gunung Layang . Saentos manusa lalaki eta umurna tujuh taun , Maung jeung Manjangan ngaleungit tapi sateuacanna ngaleungit aranjeunna mere pepejeuh pikeun anakna .

            “ Budak Putu di Pasabinan , amun Anjeun kapendak Maung Bodas disakuriling Pasabinan ulah diganggu tapi sembah  sabab anjeunna anu ngajaga Budak Putu “

            Saentos Manjangan mere pepejeuh , loba semah ti daerah lain anu dongkap . Kukituna tempat eta dibere ngaran Pesabinan anu hartosna tempat milarian rezeki.

Dina abad 16 , Para Wali musyawarah di Gunung Ciremai . Saentos musyawarah aranjeunna reureuh di Pesabinan . Salila reureuh di Pesabinan Para wali nyieun Balong Kambang Sarta Balong Ambit jeung Lauk Sampalu .

Dina taun 1635 , Desa Pesabinan dipimpin ku Mbah Buyut Sapu Jagat anu ngagaduhan Garwa , Mbah Unasih . Mbah Buyut mangrupakeun katurunan ti Mataram . Buyut Sapu Jagat anu ngarobah ngaran ‘Pesabinan’ jadi Pasawahan anjeunna oge anu nyekeul tanggung jawab ka sultan Hasanudin Komarudin di Cirebon .